> خدمة الـ (rss) ؟

السلام عليكم

طبعا كل من أصبح جزء من عالم الانترنت مدرك تماماً اهمية ان يتابع مواقع كتيرة فى كل مرة يدخل إلى عالم الانترنت
نظراً للإختلاف و تنوع المواقع على حسب الأغراض و الأهتمامات
فمثلا بالنسبة لمتابعة المواقع الإخبارية فى اللى مغرم بمتابعة كل الأخبار و فى اللى بيتابع فقط الاخبار الصحية او الاقتصادية او الرياضية
ولذلك اذا كان مثلا من رواد عدة مواقع اخبارية فاهيضطر الى زيارة كل المواقع كل يوم علشان يعرف اذا كان فى أخبار جديدة ولا لاء
لان المواقع دى موش بتتحدث على فترات زمنية محددة
طبعا امر شاق و متعب جداً ان الواحد يزور كل المواقع كل يوم و يقعد يدور على الجديد وممكن ما يكنش فى اى خبر او مقالة جديدة

ونفس الأمر بالظبط بالنسبة لمنتديات لانها بتتحدث كل يوم و كل يوم بتحتوى على مشاركات جديدة كتيرة فى مختلف الأقسام
خاصة لو كان منتدى نشط و متميز زى منتدنا كده
بما ان فى اعضاء جدد بينضموا كل دقيقة فهناك احتمالية كبيرة جدا ان يكون فى مشاركات كتيرة كل يوم

ونظرا للاختلاف اهتمامات كل عضو من الاعضاء فأكيد بيميل الى قسم خاص من الاقسام و بيركز نشاطه و متابعته فيه
سواء كان فنى او رياضى او قسم برامج الكمبيوتر

بتطبيق المقولة الشهيرة الحاجة أم الأختراع
و بتطبيق مبدأ المحاكاة اللى بتقوم عليها فكرة اى اختراع


الفكرة زى ما قولت لابد انها تكون محاكية لشىء موجود فى الحياة
الفكرة مستوحاه من نشرات الاخبار اللى بتتعرض فى التلفزيون
وهى اعطاء "عناوين الاخبار" مجرد عناوين الاخبار المتاحة ليسهل على مشاهدى القناة متابعة الاخبار الى ان يتم عرض التفاصيل فى النشرة الرئيسية للقناة
واللى تطور الى ان اصبح شريط بيعرض فى اسفل كل قناة

جاء العبقرى "دان لبّى" من شركة "نيت اسكيب" بتطبيق و برمجة فكرة الاختراع اللى هيحل مشكلة المتابعة دى
وقدم للعالم خدمة "RSS" فى شهر يوليو عام 1999
اسم الخدمة "RSS" حالياً هى أختصار لجملة "Really Simple Syndication"
واللى بتعنى
"التلقيم (أو التوزيع) المبسط جداً"

و نوضح شوية الاسم
التلقيم لغوياً معناها "التذويد" طبعاً لفظة دارجة و مشهور جداً فى عمل اكواب الشاى
فكرتها انه كل موقع بيدعم الخاصية دى بيعمل ملخص لعناوين كل الاخبار او اخبار قسم معين وبتصبح متاحة ان اى واحد باستخدام اى برنامج متخصص متابعة الجديد
ولو عجبه عنوان خبر ما يستطيع انه يدخل على وصلة الموضوع لمزيد من التفاصيل

يعنى الموقع او المنتدى هيزود البرنامج ده بعناوين القسم اللى انت هتحدده
وتقدر تجمع تلقيمات من مواقع كتيرة جدا و تحطها فى البرنامج و هو ينبهك لو فى خبر جديد

طبعا الخدمة تطورت بشكل مذهل جداً و اصبح كثير من المواقع او المنتديات بيدعموا الخاصية دى
وكان أخر اصدار برمجى من الخدمة دى كان فى شهر سبتمبر عام 2002
ونظرا للاشتهار الخدمة بين المستخدمين شهدت الخدمة بعض التعديلات فى شهر يناير 2005

الغريب فى الامر ان شاب اسرائلى اسمه جونثن أفى دان اصدر نسخة برمجية خاصة بيه فى شهر اغسطس عام 2005
ولكن ما لقتش الدعم و فشلت



بعيدا عن التاريخ و نركز على الخدمة فى حد ذاتها

أهم مميزات الخدمة دى اللى اصبحت منتديات الهاوى بتدعمها :

بإفترض مثلاً انك استخدمت التلقيم الخاصة بقسم برامج الكمبيوتر
يبقى ...

1
هتابع فقط الاقسام اللى انت عاوزها

2
يمكن للأى برنامج متخصص أخبرك عن وجود اى مشاركات جديدة بمجرد طرحها فى المنتدى عن طريق اعطائك عناوين المشاركات دى

3
هتوفر عليك البحث بنفسك عن المشاركات الجديدة لان زى ما احنا عارفين ان اى رد فى مشاركة قديمة بيخليها تتصدر قائمة المنتدى
المشكلة دى موش موجودة مع الخدمة دى للانها بتأخذ فى اعتبارها عامل التاريخ و الوقت اللى اطرحت فيه المشاركة
ولذلك انت ضامن انك هتاخد قائمة بعناوين اخر المشاركات الحديثة فقط

الفكرة بعد كده اذا كنت ترغب فى متابعة اى قسم فى المنتدى او اى موقع عليك بتنزيل برنامج متخصص فى عرض الخدمة دى
و بعد ما تحصل على البرنامج بتبحث عن اى علامة من دول فى الموقع المنتدى:





بمعنى لو انا مثلا عاوز اتابع قسم الكمبيوتر هدور على علامة RSS فى المنتدى هلاقيها فى الاخر
هضغط عليها هيطع ليا قائمة هختار منها قسم برامج الكمبيوتر
هيفتح ليا صفحة تانية
هاخد عنوانها و احطه فى البرنامج المتخصص اللى هيتابع لى الجديد فى قسم البرامج و هيبلغنى لو فيه جديد

هى دى كل قصة ال RSS لمنتديات الهاوى

باًذن الرحمن هبقى اعمل مشاركة اشرح فيها اى برنامج من ضمن البرامج الخاصة بالتعامل مع الخدمة دى

وده مثال على الخدمة من علىالدسك توب عندى
http://islamuhamad.googlepages.com/elhawy.png

ملحوظة :
- فى بعض المواقع اللى بتسمح ليك بعمل صفحة مجانية بتجمع فيها كل التلقيمات من مواقعك المفضلة بدون الحاجة الى اى برامج اضافية زى
جوجل حبيب العمر و ياهوو

- أغلب برامج التصفح بإمكانها عرض صفحات RSS وضبطها بحيث يتم تنويهك لو فى جديد
زى Avant Browser و ده احسنهم طبعا
و الفايرفوكس Firefox و غيرهم كتير

دمتم بخير

*************